Germaniya terma jamoasi 2026 yilgi jahon chempionati saralashini muvaffaqiyatsiz boshladi va kutilmaganda Slovakiya maydonida yutqazdi (0:2).

Yulian Nagelsmann jamoasi bo‘limlarning har birida bittadan gol o‘tkazib yubordi - 42 va 55-daqiqalarda. Mehmonlar to‘pga 70 foiz egalik qilishdi va deyarli ikki baravar ko‘proq zarba berishdi (8 ga qarshi 14 zarba), ammo gol ura olishmadi. Germaniya terma jamoasi uchun bu ketma-ket uchinchi mag‘lubiyat bo‘ldi. Avvalroq Germaniya iyun oyida bo‘lib o‘tgan Millatlar ligasi bahslarida Portugaliya (1:2) va Fransiya (0:2) jamoalariga imkoniyatni boy bergandi.

Yulian Nagelsmann 2023 yil sentyabr oyidan beri Germaniya terma jamoasi murabbiyi lavozimida ishlab kelmoqda, mutaxassisning shartnomasi 2028 yil yozigacha mo‘ljallangan.