Shanba kuni 2026 yilgi jahon chempionati saralashida Armaniston va Portugaliya terma jamoalari o‘zaro o‘ynaydi. Albatta, yulduz hujumchi Krishtianu Ronalduning kelishi armanistonlik futbol ixlosmandlari orasida katta shov-shuvga sabab bo‘ldi. Aeroport va mehmonxonada Ronalduni ko‘rish va imkon qadar undan dastxat olish yoki suratga tushish uchun ko‘plab odamlar yig‘ilgan.
Ijtimoiy tarmoqlarda Ronaldu Armanistonga kelganidan keyin aeroport va mehmonxonada ko‘ringan kadrlar paydo bo‘ldi. Ushbu kadrlardan birida portugaliyalik muxlisni o‘zidan biroz uzoqlashtirish uchun itarganini ko‘rish mumkin.
