Шанба куни 2026 йилги жаҳон чемпионати саралашида Арманистон ва Португалия терма жамоалари ўзаро ўйнайди. Албатта, юлдуз ҳужумчи Криштиану Роналдунинг келиши арманистонлик футбол ихлосмандлари орасида катта шов-шувга сабаб бўлди. Аэропорт ва меҳмонхонада Роналдуни кўриш ва имкон қадар ундан дастхат олиш ёки суратга тушиш учун кўплаб одамлар йиғилган.
Ижтимоий тармоқларда Роналду Арманистонга келганидан кейин аэропорт ва меҳмонхонада кўринган кадрлар пайдо бўлди. Ушбу кадрлардан бирида португалиялик мухлисни ўзидан бироз узоқлаштириш учун итарганини кўриш мумкин.













