Futbol mutaxassisi Alisher Nikimbayevning yozishicha, CAFA Nations Cup musobaqasi final va 3-o‘rin uchun o‘yinlari FIFA reytingi uchun inobatga olinmaydi.

Buning sababi quyidagicha:

"Avval yozganimdek, hozirgi FIFA oynasi 9 kunlik (1–9 sentyabr) va ikki o‘yin uchun mo‘ljallangan. FIFA terma jamoalarning ushbu taqvimni o‘yinlar bilan ortiqcha to‘ldirishni ma’qullamaydi. Ularning fikricha, bitta oynada uchta o‘yin o‘tkazish juda ko‘p hisoblanadi. Shu sababli, «jazo» sifatida, oyna davomida o‘tkazilgan uchinchi o‘yin FIFA reytingini hisoblashda inobatga olinmaydi.

Biroq O‘zbekistonning O‘monga qarshi o‘yini, "oyna" boshlanishidan avval (birinchi turning yana uchta o‘yini kabi) o‘tkazilgani uchun hisobga olinadi. Faqat bu bellashuv koeffisiyenti ikki barobar kichik bo‘ladi. Shuning uchun, agar CAFA millatlar kubogi finali 10 sentyabrda o‘tkazilganida edi, uning natijasi ham reytingga kiritilardi, lekin 10 koeffisiyent bilan emas, 5 bo‘lardi.

Final maksimal koeffisiyent bilan hisoblanishi uchun FIFA oynasi boshlanishidan oldin CAFA Kubogida ikki tur o‘tkazish kerak edi. Ammo bunday holda guruhdan chiqolmagan jamoalar FIFA oynasida faqat bitta o‘yin o‘tkazgan bo‘lishardi. Alternativ variant sifatida 5- va 7-o‘rin uchun o‘yinlar tashkil qilish mumkin edi. Lekin bu savol tashkilotchilar va ishtirokchilarga tegishli — ular turnirni ikki-uch kun ertaroq boshlashga tayyormidilar?

Shuningdek, 2026 yildan boshlab FIFA xalqaro kalendarda 16 kunlik oynalarni joriy qiladi, ya’ni 4 ta o‘yin o‘tkazish imkoniyati paydo bo‘ladi. Ana shunda bunday muammo bo‘lmaydi".