Fransiya yoshlar terma jamoasi yarimhimoyachisi, 20 yoshli Valenten Atanyana «Reyms»dan Saudiya Arabistonining «Al-Ahli» klubiga o‘tdi. Klublarning matbuot xizmatlari kelishuvni rasman tasdiqladi. OAV ma’lumotlariga ko‘ra, transfer summasi 25 million yevroni tashkil etdi.

«Hammasi uchun rahmat, Valenten. «Reyms» sen qanday futbolchi va inson bo‘lib yetishganingdan faxrlanadi va senga keyingi faoliyatingda katta muvaffaqiyatlar tilaydi. Biz sening yo‘lingni katta diqqat va mehr bilan kuzatib boramiz», — deyiladi «Reyms»ning rasmiy saytidagi xabarda.

Atanyana — «Reyms» akademiyasi tarbiyalanuvchisi. U asosiy jamoa safida barcha musobaqalarda 63 ta o‘yin o‘tkazgan va bitta gol urgan. Shuningdek, Kamerunda tug‘ilgan yarimhimoyachi Fransiya yoshlar termalari safida 47 ta uchrashuvda maydonga tushib, 6 ta gol kiritgan.