Milanning "Inter" klubi o‘ng qanot himoyachisi Denzel Dyumfris bir kun kelib Angliya Premyer-ligasida o‘zini sinab ko‘rishga qarshi emasligini tan oldi.
"APL juda yaxshi, ammo hozir A Seriyada o‘ynayapman. "Inter"da o‘zimni qulay his qilyapman, ammo Angliya chempionatida muvaffaqiyat qozonishim mumkin deb o‘ylayman. U yerda o‘zimni sinab ko‘rish qiziq bo‘lardi. APL shiddati bilan tanilgan bo‘lsa, Italiya chempionati taktika bilan mashhur," - deya 29 yoshli futbolchining so‘zlarini keltiradi jurnalist Alfredo Pedulla.
Denzel Dyumfrisning "neradzurrilar" bilan shartnomasi 2028 yilgacha mo‘ljallangan.
