Миланнинг "Интер" клуби ўнг қанот ҳимоячиси Дензел Дюмфрис бир кун келиб Англия Премьер-лигасида ўзини синаб кўришга қарши эмаслигини тан олди.
"АПЛ жуда яхши, аммо ҳозир А Серияда ўйнаяпман. "Интер"да ўзимни қулай ҳис қиляпман, аммо Англия чемпионатида муваффақият қозонишим мумкин деб ўйлайман. У ерда ўзимни синаб кўриш қизиқ бўларди. АПЛ шиддати билан танилган бўлса, Италия чемпионати тактика билан машҳур," - дея 29 ёшли футболчининг сўзларини келтиради журналист Альфредо Педулла.
Дензел Дюмфриснинг "нерадзуррилар" билан шартномаси 2028 йилгача мўлжалланган.
