"Fenerbahche" prezidenti Ali Koch jamoa Chempionlar ligasidan chiqib ketganidan ikki kun o‘tib, nima uchun Joze Mourinyo bilan xayrlashishga qaror qilganini tushuntirdi. Saralashning hal qiluvchi bosqichida turklar "Benfika"ga yutqazdi.

"Biz Mourinyo bilan yangi mavsumda jamoa yanada ustunroq o‘ynashi kerakligi haqida gaplashdik. Maqsad - 99 ochko to‘plash va 99 gol urish. "Benfika"dan mag‘lub bo‘lish faktining o‘zi unchalik qo‘rqinchli emas, lekin bu qanday sodir bo‘lganini qabul qilib bo‘lmaydi.

Menda jamoa o‘tgan mavsumdagi kabi harakat qilishda davom etishi haqida tasavvur paydo bo‘ldi. Shuning uchun biz u bilan xayrlashishga qaror qildik," - dedi Koch.

Eslatib o‘tamiz, portugaliyalik mutaxassis 2024 yilning yozidan buyon "Fenerbaxche"ni boshqarib kelayotgan edi.