"Фенербаҳче" президенти Али Коч жамоа Чемпионлар лигасидан чиқиб кетганидан икки кун ўтиб, нима учун Жозе Моуриньо билан хайрлашишга қарор қилганини тушунтирди. Саралашнинг ҳал қилувчи босқичида турклар "Бенфика"га ютқазди.
"Биз Моуриньо билан янги мавсумда жамоа янада устунроқ ўйнаши кераклиги ҳақида гаплашдик. Мақсад - 99 очко тўплаш ва 99 гол уриш. "Бенфика"дан мағлуб бўлиш фактининг ўзи унчалик қўрқинчли эмас, лекин бу қандай содир бўлганини қабул қилиб бўлмайди.
Менда жамоа ўтган мавсумдаги каби ҳаракат қилишда давом этиши ҳақида тасаввур пайдо бўлди. Шунинг учун биз у билан хайрлашишга қарор қилдик," - деди Коч.
Эслатиб ўтамиз, португалиялик мутахассис 2024 йилнинг ёзидан буён "Фенербахче"ни бошқариб келаётган эди.
