"Napoli" hujumchisi Romelu Lukaku dekabrgacha son qismidagi jarohatidan tuzalmaydi, deb xabar beradi Football Italia.

Dastlab belgiyalik futbolchi noyabrda safga qaytishi mumkinligi taxmin qilingandi. Futbolchining o‘zi reabilitasiya davrini qisqartirish uchun konservativ davolanishni tanlab, jarrohlikdan bosh tortdi.

Biroq navbatdagi tibbiy ko‘rikdan so‘ng Lukaku ogohlantirildi: maydonga to‘liq qaytish faqat qishda sodir bo‘lishi mumkin.

Qayd etilishicha, bunday muddat jarohatdan tiklanishning dastlabki rejasiga mos keladi va asorat hisoblanmaydi.