"Наполи" ҳужумчиси Ромелу Лукаку декабргача сон қисмидаги жароҳатидан тузалмайди, деб хабар беради Football Italia.

Дастлаб бельгиялик футболчи ноябрда сафга қайтиши мумкинлиги тахмин қилинганди. Футболчининг ўзи реабилитация даврини қисқартириш учун консерватив даволанишни танлаб, жарроҳликдан бош тортди.

Бироқ навбатдаги тиббий кўрикдан сўнг Лукаку огоҳлантирилди: майдонга тўлиқ қайтиш фақат қишда содир бўлиши мумкин.

Қайд этилишича, бундай муддат жароҳатдан тикланишнинг дастлабки режасига мос келади ва асорат ҳисобланмайди.