"Barselona" yarim himoyachisi Fermin Lopesni klubda qolishga majbur qilgan sabablar haqida ma’lumotlar paydo bo‘ldi.
Yozgi transferlar vaqtida ispaniyalik xavbekni Londonning "Chelsi" klubi o‘z safiga qo‘shib olishga urinib ko‘rdi.
Diario Sport nashrining ta’kidlashicha, Lopes "Barselona"dan ketish-ketmasligiga shubha qilgan. Futbolchi bosh murabbiy Xans-Diter Flick bilan suhbatdan so‘ng qolish bo‘yicha yakuniy qarorga keldi. Suhbat davomida Lopes o‘tgan mavsumda o‘zini kamsitilgandek his qilganini tan oldi va bunga Flik ham qo‘shildi. Shu bilan birga, murabbiy shunga qaramay, Fermin uning uchun juda muhim ekanligini ta’kidladi.
Joriy mavsumda 22 yoshli Lopes Ispaniya chempionatining ikkita o‘yinida ishtirok etdi, biroq samarali harakatlari bilan ajralib turmadi.













