"Барселона" ярим ҳимоячиси Фермин Лопесни клубда қолишга мажбур қилган сабаблар ҳақида маълумотлар пайдо бўлди.

Ёзги трансферлар вақтида испаниялик хавбекни Лондоннинг "Челси" клуби ўз сафига қўшиб олишга уриниб кўрди.

Diario Sport нашрининг таъкидлашича, Лопес "Барселона"дан кетиш-кетмаслигига шубҳа қилган. Футболчи бош мураббий Ханс-Дитер Флиcк билан суҳбатдан сўнг қолиш бўйича якуний қарорга келди. Суҳбат давомида Лопес ўтган мавсумда ўзини камситилгандек ҳис қилганини тан олди ва бунга Флик ҳам қўшилди. Шу билан бирга, мураббий шунга қарамай, Фермин унинг учун жуда муҳим эканлигини таъкидлади.

Жорий мавсумда 22 ёшли Лопес Испания чемпионатининг иккита ўйинида иштирок этди, бироқ самарали ҳаракатлари билан ажралиб турмади.