"Bavariya" bosh murabbiyi Vensan Kompani "Gamburg"ga qarshi o‘yin arafasida jurnalistlar bilan suhbatlashdi. U "Bavariya"ga "Chelsi"dan ijara asosida kelib qo‘shilgan jamoaning yangi a’zosi Nikolas Jekson haqida o‘z fikrlarini bildirib o‘tdi.

"Birinchi bosqich uning uchun juda muhim - keyingi xalqaro tanaffusgacha. "Chelsi"da u mavsumoldi tayyorgarlikdan to‘liq o‘tmagan, ammo u tug‘ma atlet va yana 100 foiz kuchga ega bo‘lishi uchun ko‘p vaqt kerak bo‘lmaydi. Biz uning o‘yin ritmini tiklash haqida qayg‘urishimiz kerak.

U katta sifatga ega o‘yinchi, u Premyer-ligada ko‘p gol urgan. Ishonamanki, biz uning kuchli tomonlaridan juda tez foydalana olamiz. Bizda juda moslashuvchan hujum chizig‘i bor. Uning profili to‘liq mos keladi, chunki u har kim bilan o‘ynay oladi. U bu mavsumda muhim rol o‘ynaydi," - dedi Kompani.

O‘tgan mavsumda Jekson "Chelsi" safida barcha musobaqalarda 34ta o‘yinda maydonga tushib, 13ta gol urgan va 5ta golga hammualliflik qilgan.