"Bavariya" futbolchisi Serj Gnabri bosh murabbiy Vensan Kompanining ishi haqida qanday fikrda ekanini aytdi.
Belgiyalik mutaxassis jamoa boshqaruvida ikkinchi mavsumni o‘tkazmoqda. O‘tgan mavsumda myunxenliklar Bundesliga g‘olibiga aylangan bo‘lsa, chempionatning yangi mavsumini ikki turdan so‘ng ikki g‘alaba bilan boshlashdi.
"Kompani jamoaviy ruhni saqlab qolishda muhim rol o‘ynaydi. Biror narsa noto‘g‘ri ketganda, u aybning katta qismini o‘z zimmasiga oladi. Aytishim mumkinki, murabbiylar shtabi o‘z ishini a’lo darajada bajarmoqda, klub juda to‘g‘ri tanlov qilgan. Men har kuni mashg‘ulotlarga xursandchilik bilan kelaman. Albatta, natijalar har doim bo‘lishi kerak, ammo muhit ham muhim va hozir u shunchaki ajoyib," - deya Gnabrining so‘zlarini keltiradi jurnalist Manuel Bonke.
