"Бавария" футболчиси Серж Гнабри бош мураббий Венсан Компанининг иши ҳақида қандай фикрда эканини айтди.

Бельгиялик мутахассис жамоа бошқарувида иккинчи мавсумни ўтказмоқда. Ўтган мавсумда мюнхенликлар Бундеслига ғолибига айланган бўлса, чемпионатнинг янги мавсумини икки турдан сўнг икки ғалаба билан бошлашди.

"Компани жамоавий руҳни сақлаб қолишда муҳим роль ўйнайди. Бирор нарса нотўғри кетганда, у айбнинг катта қисмини ўз зиммасига олади. Айтишим мумкинки, мураббийлар штаби ўз ишини аъло даражада бажармоқда, клуб жуда тўғри танлов қилган. Мен ҳар куни машғулотларга хурсандчилик билан келаман. Албатта, натижалар ҳар доим бўлиши керак, аммо муҳит ҳам муҳим ва ҳозир у шунчаки ажойиб," - дея Гнабрининг сўзларини келтиради журналист Мануэл Бонке.