«Malyorka» klubi hujumkor yarim himoyachisi Pablo Torre «Barselona»da kam maydonga tushgani haqida fikr bildirdi.
«Bu egoistlikdek tuyulishi mumkin, ayniqsa siz tez-tez maydonga chiqmaganingizda. Lekin ba’zi o‘yinlarda biz g‘alaba qozonganmiz va Flik menga ham o‘yin vaqti berishi mumkin edi, shu yo‘l bilan hamma xursand bo‘lardi. Ammo qandaydir sababga ko‘ra u bunday qilmadi», — deya Torrening so‘zlarini Barca Universal keltiradi.
Futbolchi shu bilan birga Flikka hurmatini bildirib o‘tdi, ammo o‘z karyerasini rivojlantirish haqida o‘ylashga majbur ekanini ta’kidladi.
Pablo Torre 2022 yildan «Barselona» safida to‘p tepgan. Yozgi transfer oynasida 22 yoshli ispaniyalik futbolchi 5 million yevroga «Malyorka» klubiga o‘tdi.
