«Мальорка» клуби ҳужумкор ярим ҳимоячиси Пабло Торре «Барселона»да кам майдонга тушгани ҳақида фикр билдирди.
«Бу эгоистликдек туюлиши мумкин, айниқса сиз тез-тез майдонга чиқмаганингизда. Лекин баъзи ўйинларда биз ғалаба қозонганмиз ва Флик менга ҳам ўйин вақти бериши мумкин эди, шу йўл билан ҳамма хурсанд бўларди. Аммо қандайдир сабабга кўра у бундай қилмади», — дея Торренинг сўзларини Barca Universal келтиради.
Футболчи шу билан бирга Фликка ҳурматини билдириб ўтди, аммо ўз карьерасини ривожлантириш ҳақида ўйлашга мажбур эканини таъкидлади.
Пабло Торре 2022 йилдан «Барселона» сафида тўп тепган. Ёзги трансфер ойнасида 22 ёшли испаниялик футболчи 5 миллион еврога «Мальорка» клубига ўтди.
