Milanning "Inter" klubi bosh murabbiyi Kristian Kivu "Yuventus"ga (3:4) qarshi o‘yindan keyin o‘z fikrlari bilan o‘rtoqlashdi.
"Neradzurri" safarda prinsipial raqib bilan 3:2 hisobida oldinda borayotgan bo‘lsa-da, maydon egalari so‘nggi daqiqalarda ikki bor gol urib, g‘alabani ilib ketdi.
"O‘ylashimcha, har ikki bo‘limda ham yaxshi o‘ynadik, ammo ba’zida nimadir yetishmadi. Biz bu yerga g‘alaba uchun kelgandik, o‘z futbolimizni ko‘rsatmoqchi edik. Voqealarga yaxshiroq munosabatda bo‘lishimiz kerak edi. Mag‘lubiyatga qaramay, "Udineze" bilan o‘yinda bo‘lgani kabi bugungi o‘yinda ham ijobiy jihatlarni ko‘rdim. Xotirjamlikni saqlab, oldinga yurish kerak. Xatolarni tuzatish ustida ishlaymiz," - dedi u DAZN’ga bergan intervyusida.
