Миланнинг "Интер" клуби бош мураббийи Кристиан Киву "Ювентус"га (3:4) қарши ўйиндан кейин ўз фикрлари билан ўртоқлашди.
"Нерадзурри" сафарда принципиал рақиб билан 3:2 ҳисобида олдинда бораётган бўлса-да, майдон эгалари сўнгги дақиқаларда икки бор гол уриб, ғалабани илиб кетди.
"Ўйлашимча, ҳар икки бўлимда ҳам яхши ўйнадик, аммо баъзида нимадир етишмади. Биз бу ерга ғалаба учун келгандик, ўз футболимизни кўрсатмоқчи эдик. Воқеаларга яхшироқ муносабатда бўлишимиз керак эди. Мағлубиятга қарамай, "Удинезе" билан ўйинда бўлгани каби бугунги ўйинда ҳам ижобий жиҳатларни кўрдим. Хотиржамликни сақлаб, олдинга юриш керак. Хатоларни тузатиш устида ишлаймиз," - деди у DAZN’га берган интервьюсида.
