Pep Gvardiola so‘nggi uch yarim yil ichida ilk bor Ruben Amorimni mag‘lub etdi.
Bugun "Manchester Siti" APL 4-turida "Manchester Yunayted"ni yirik hisobda yengdi - 3:0.
Ispaniyalik murabbiy shu kungacha birinchi va oxirgi marta 2022 yil 15 fevralda "Sporting" boshqaruvidagi portugaliyalikni mag‘lub etgandi. Keyingi o‘yinlarda Amorim ikkita g‘alabaga erishdi, yana ikkita o‘yin durang bilan yakunlandi.
Shu tariqa, Gvardiola va Amorim hisobidagi oltita uchrashuvda ikkitadan g‘alaba qayd etildi.













