"Liverpul" sardori Virjil van Deyk APL 4-turida "Byornli" ustidan qozonilgan g‘alabadan so‘ng (1:0) o‘z fikrlarini bildirib o‘tdi.
"Biz raqibni sindirishga harakat qildik. Sabrli va tayyor bo‘lishimiz kerak edi. Biz shunchaki gol urish uchun imkoniyatlar izlashda davom etdik.
Biz g‘alaba qozonishga haqli edik. Lekin men "Byornli"ni tushunaman - penaltini o‘tkazib yuborish hech qachon yoqimli emas.
Penalti bor edi. Muhammad buni ajoyib tarzda golga aylantirdi. U shu daqiqalarda mukammal o‘ynay oladigan jahon darajasidagi o‘yinchi.
Bugun durang o‘ynashimiz mumkin edi, ammo biz g‘alaba qozondik", – dedi futbolchi.
