"Ливерпуль" сардори Виржил ван Дейк АПЛ 4-турида "Бёрнли" устидан қозонилган ғалабадан сўнг (1:0) ўз фикрларини билдириб ўтди.
"Биз рақибни синдиришга ҳаракат қилдик. Сабрли ва тайёр бўлишимиз керак эди. Биз шунчаки гол уриш учун имкониятлар излашда давом этдик.
Биз ғалаба қозонишга ҳақли эдик. Лекин мен "Бёрнли"ни тушунаман - пенальтини ўтказиб юбориш ҳеч қачон ёқимли эмас.
Пенальти бор эди. Муҳаммад буни ажойиб тарзда голга айлантирди. У шу дақиқаларда мукаммал ўйнай оладиган жаҳон даражасидаги ўйинчи.
Бугун дуранг ўйнашимиз мумкин эди, аммо биз ғалаба қозондик", – деди футболчи.













