Fransiya terma jamoasining sobiq yarim himoyachisi Pol Pogba 2018 yilda Argentina ustidan qozonilgan g‘alabadan so‘ng hujumchi Lionel Messidan uzr so‘raganini tan oldi.
2018 yili Rossiyada bo‘lib o‘tgan jahon chempionatida Fransiya terma jamoasi 1/8 finalda Argentina terma jamoasini 4:3 hisobida mag‘lubiyatga uchratdi.
"Men hayotimda hech qachon mag‘lub etgan o‘yinchidan yoki jamoadan uzr so‘ramaganman, to 2018 yilgi jahon chempionatida ularni mag‘lub etganimizdan keyin Messidan uzr so‘ramagunimcha. O‘yin tugagach, men u bilan salomlashdim va: "Uzr," dedim. Men undan kechirim so‘radim, chunki u mag‘lubiyatga loyiq emasdi," - deya Pogbaning so‘zlarini keltiradi Aljazeera.
Pogba Messi futbolga juda ko‘p hissa qo‘shganini ta’kidladi. Uning fikricha, Messi dunyodagi eng yaxshi futbolchi, garchi u buni hech qachon tan olmasa ham, chunki u juda kamtarin.
