Франция терма жамоасининг собиқ ярим ҳимоячиси Поль Погба 2018 йилда Аргентина устидан қозонилган ғалабадан сўнг ҳужумчи Лионель Мессидан узр сўраганини тан олди.
2018 йили Россияда бўлиб ўтган жаҳон чемпионатида Франция терма жамоаси 1/8 финалда Аргентина терма жамоасини 4:3 ҳисобида мағлубиятга учратди.
"Мен ҳаётимда ҳеч қачон мағлуб этган ўйинчидан ёки жамоадан узр сўрамаганман, то 2018 йилги жаҳон чемпионатида уларни мағлуб этганимиздан кейин Мессидан узр сўрамагунимча. Ўйин тугагач, мен у билан саломлашдим ва: "Узр," дедим. Мен ундан кечирим сўрадим, чунки у мағлубиятга лойиқ эмасди," - дея Погбанинг сўзларини келтиради Aljazeera.
Погба Месси футболга жуда кўп ҳисса қўшганини таъкидлади. Унинг фикрича, Месси дунёдаги энг яхши футболчи, гарчи у буни ҳеч қачон тан олмаса ҳам, чунки у жуда камтарин.
