Seshanba kuni "Arsenal" Chempionlar ligasida o‘z yurishini boshlaydi. Umumiy bosqichning dastlabki turida Mikel Arteta jamoasi Bilbaoda "Atletik"ka qarshi bahs olib boradi. ESPN xabariga ko‘ra, "kanonirlar"ga bo‘lajak o‘yinda ikki muhim futbolchi - yarim himoyachi Martin Edegor va vinger Bukayo Saka yordam bera olmaydi.
Edegor shanba kuni "Nottingem Forest"ga qarshi o‘yinda yelkasidagi muammo tufayli zaxiraga olingandi. Saka esa avgust oyida "Lids"ga qarshi o‘yinda jarohat olgandi.
Shu bilan birga, yaxshi yangilik ham bor - Vilyam Saliba safga qaytdi. Himoyachi "Liverpul"ga qarshi o‘yinda zaxiraga olingandi va "Forest"ga qarshi so‘nggi o‘yinni o‘tkazib yubordi.
"Atletik" - "Arsenal" uchrashuvi 16 sentyabr kuni Toshkent vaqti bilan soat 21:45da boshlanadi.













