La Gazzetta dello Sport nashrining xabar berishicha, "Inter" sardori Lautaro Martines seshanba kuni belidagi og‘riq tufayli jamoa bilan mashg‘ulot o‘tkazmagan va Chempionlar ligasi doirasida "Ayaks"ga qarshi o‘yinni o‘tkazib yuborishi mumkin.
Argentinalik futbolchi maydonda emas, faqat trenajyor zalida shug‘ullangan. Shu bilan birga, u jamoa bilan Amsterdamga uchib ketdi. "Inter" bosh murabbiyi Kristian Kivu matbuot anjumanida Lautaroning sog‘lig‘i haqida ma’lumot berishi kerak.
Qo‘shimcha qilamizki, 17 sentyabr kuni bo‘lib o‘tadigan "Ayaks" hamda "Inter" jamoalari o‘rtasidagi o‘yin Toshkent vaqti bilan soat 00:00 ga belgilangan.
