"Yuventus" jamoaning asosiy hujumchisiga to‘liq ishonadi.

Mashhur insayder Fabrisio Romanoning ma’lum qilishicha, "byankonerilar" rahbariyati Dushan Vlaxovichning nafaqat so‘nggi o‘yinlardagi sermahsulligidan, balki professionalligidan ham mamnun. Klubda ta’kidlanishicha, 25 yoshli serbiyalik yozgi transferlar vaqtida, uning ketishi haqidagi mish-mishlarga qaramay, o‘zini juda munosib tutgan.

Biroq, ta’kidlanishicha, klub va hujumchi o‘rtasidagi hamkorlikni uzaytirish bo‘yicha muzokaralar hozircha to‘xtatilgan.

2025/26 yilgi mavsumda Dushan Vlaxovich "Yuventus" safida barcha musobaqalarda 4 ta o‘yinda maydonga tushib, 4 ta gol urdi va bitta golli uzatmani amalga oshirdi. Uning klub bilan amaldagi shartnomasi 2026 yilning iyun oyi oxirigacha mo‘ljallangan.