"Ювентус" жамоанинг асосий ҳужумчисига тўлиқ ишонади.
Машҳур инсайдер Фабрицио Романонинг маълум қилишича, "бьянконерилар" раҳбарияти Душан Влаховичнинг нафақат сўнгги ўйинлардаги сермаҳсуллигидан, балки профессионаллигидан ҳам мамнун. Клубда таъкидланишича, 25 ёшли сербиялик ёзги трансферлар вақтида, унинг кетиши ҳақидаги миш-мишларга қарамай, ўзини жуда муносиб тутган.
Бироқ, таъкидланишича, клуб ва ҳужумчи ўртасидаги ҳамкорликни узайтириш бўйича музокаралар ҳозирча тўхтатилган.
2025/26 йилги мавсумда Душан Влахович "Ювентус" сафида барча мусобақаларда 4 та ўйинда майдонга тушиб, 4 та гол урди ва битта голли узатмани амалга оширди. Унинг клуб билан амалдаги шартномаси 2026 йилнинг июнь ойи охиригача мўлжалланган.
