Joze Mourinyo tez orada "Benfika" bosh murabbiyi etib tayinlanadi. Avvalroq lissabonliklar yulduz mutaxassis bilan muzokaralar olib borayotganini ma’lum qilgandi.
Qizig‘i, bu yil kuzda "Benfika" Chempionlar Ligasida Angliyada ikkita o‘yin o‘tkazishi kerak bo‘ladi. "Burgutlar" 30 sentyabr kuni "Chelsi" mehmoni bo‘lsa, 21 oktyabr kuni "Nyukasl" maydoniga safar qiladi. Mourinyoning Angliyaga qaytishi bu o‘yinlarga bo‘lgan qiziqishni jiddiy ravishda oshiradi.
Eslatib o‘tamiz, "Benfika" Chempionlar Ligasini "Qorabog‘"ga qarshi o‘yin bilan (2:3) boshlagan edi. Ushbu o‘yindan so‘ng "burgutlar" murabbiy Bruno Lajeni iste’foga chiqarishdi.













