"Chelsi" bosh murabbiyi Enso Mareska Premyer-ligada "Manchester Yunayted"ga qarshi kechadigan o‘yin haqida fikr bildirdi. Mutaxassis raqibda tayyorgarlik ko‘rish uchun ancha ko‘p vaqt borligini ta’kidladi.
"Voqelik shundayki, "Manchester Yunayted"da o‘yinga tayyorgarlik ko‘rish uchun bir hafta vaqt bor edi, biz esa so‘nggi o‘yinimizni 48 soat oldin o‘tkazdik. Ammo men Chempionlar Ligasida o‘ynashni afzal ko‘raman.
Chorshanba kungi o‘yin qiyin bo‘ldi, qo‘limizdan kelgancha harakat qildik. Juda yaxshi o‘ynagan paytlarimiz bo‘lgan, ammo ishlashimiz kerak bo‘lgan narsalar bor. O‘yin oxirida kayfiyatim yaxshi edi, chunki biz Chempionlar Ligasidamiz va kurash olib bormoqchimiz," - dedi Mareska matbuot anjumanida.
Eslatib o‘tamiz, "Chelsi" safarda "Bavariya"ga 1:3 hisobida imkoniyatni boy berdi.
"Manchester Yunayted" va "Chelsi" o‘yini 20 sentyabr kuni Toshkent vaqti bilan soat 21:30da start oladi.













