Madrid "Real"i va Vinisius jamoaga bosh murabbiy Xabi Alonso kelganidan so‘ng shartnomani uzaytirish bo‘yicha muzokaralarni to‘xtatishdi. Bu haqda AS nashri xabar bermoqda.

Manbalarga ko‘ra, so‘nggi uchrashuvlarda Vinisius o‘zining moliyaviy talablarini sezilarli darajada kamaytirgan. Biroq, hozirda u yangi murabbiy qo‘l ostidagi holatidan norozi bo‘lib, jamoani tark etish haqida o‘ylayotgan bo‘lishi mumkin.

AS ta’kidlashicha, keyingi ikki-uch oy hal qiluvchi ahamiyatga ega bo‘ladi. Agar vaziyat o‘zgarmasa, Vinisius qishda "Real"dan ketishi ehtimoldan xoli emas.