Мадрид "Реал"и ва Винисиус жамоага бош мураббий Хаби Алонсо келганидан сўнг шартномани узайтириш бўйича музокараларни тўхтатишди. Бу ҳақда АС нашри хабар бермоқда.

Манбаларга кўра, сўнгги учрашувларда Винисиус ўзининг молиявий талабларини сезиларли даражада камайтирган. Бироқ, ҳозирда у янги мураббий қўл остидаги ҳолатидан норози бўлиб, жамоани тарк этиш ҳақида ўйлаётган бўлиши мумкин.

АС таъкидлашича, кейинги икки-уч ой ҳал қилувчи аҳамиятга эга бўлади. Агар вазият ўзгармаса, Винисиус қишда "Реал"дан кетиши эҳтимолдан холи эмас.