"Al-Ittihod"ning fransiyalik hujumchisi Karim Benzemaga "Benfika"ning yangi bosh murabbiyi Joze Mourinyo qiziqish bildirmoqda. Ushbu ma’lumotni insayder Ekrem Konur e’lon qildi.

Manbaga ko‘ra, Mourinyo Saudiya Arabistoni klubi bilan shartnomasi kelasi yozda yakuniga yetadigan 37 yoshli hujumchini o‘z safiga chorlamoqchi. Benzema Yevropaga qaytishi uchun maoshini sezilarli darajada pasaytirishiga to‘g‘ri keladi, ammo hujumchi bunga tayyormi yoki yo‘qligi noma’lum. Ta’kidlanishicha, "Al-Ittihod" Benzemani qishdayoq qo‘yib yuborishi mumkin, agar unga 5-7 million yevrolik taklif tushsa.

Ammo "Benfika" uchun hammasi ko‘ringanidek oson emas. Manbaga ko‘ra, Benzemaning xizmatlariga Fransiya va MLS klublari ham qiziqish bildirmoqda.

Bu mavsumda hujumchi barcha turnirlarni hisobga olgan holda ikkita o‘yinda uchta gol urdi.