"Ал-Иттиҳод"нинг франциялик ҳужумчиси Карим Бенземага "Бенфика"нинг янги бош мураббийи Жозе Моуриньо қизиқиш билдирмоқда. Ушбу маълумотни инсайдер Экрем Конур эълон қилди.
Манбага кўра, Моуриньо Саудия Арабистони клуби билан шартномаси келаси ёзда якунига етадиган 37 ёшли ҳужумчини ўз сафига чорламоқчи. Бензема Европага қайтиши учун маошини сезиларли даражада пасайтиришига тўғри келади, аммо ҳужумчи бунга тайёрми ёки йўқлиги номаълум. Таъкидланишича, "Ал-Иттиҳод" Бенземани қишдаёқ қўйиб юбориши мумкин, агар унга 5-7 миллион евролик таклиф тушса.
Аммо "Бенфика" учун ҳаммаси кўринганидек осон эмас. Манбага кўра, Бенземанинг хизматларига Франция ва MLS клублари ҳам қизиқиш билдирмоқда.
Бу мавсумда ҳужумчи барча турнирларни ҳисобга олган ҳолда иккита ўйинда учта гол урди.
