"Manchester Siti" bosh murabbiyi Xosep Gvardiola darvozabon Janluiji Donnarummaning o‘yini haqida gapirib, uni Ederson bilan taqqosladi.
Italiyalik sentyabr oyi boshida "shaharliklar" safiga qo‘shilgandi. Yangi futbolchi "Fenerbaxche"ga ko‘chib o‘tgan sobiq "birinchi raqamli darvozabon" Edersonning o‘rnini egalladi.
"Dekabr oyidan beri bizda to‘qqizta yangi o‘yinchi paydo bo‘ldi, hali ko‘plab mexanizmlarni o‘zlashtirishimiz kerak. Raqib chuqur himoyalanayotganda darvozabonimiz bo‘sh qoladi. Qadam-baqadam Jiji bundan foydalanishni o‘rganib oladi! U Edersonchalik uzoq masofaga yaxshi pas bera olmaydi, bu borada unga hech kim teng kela olmaydi," - deya Gvardiolaning so‘zlarini keltiradi City Report.
