Madridning "Real" klubi bosh murabbiyi Xabi Alonso jamoaning braziliyalik hujumchisi Vinisius Junior klubni tark etishi mumkinligi haqida fikr bildirdi.
Avvalroq, futbolchi yanvar oyida jamoani tark etishi mumkinligi haqida xabarlar tarqalgan edi.
«Men, albatta, Vinisiusdan juda xursandman. U hozirgidek astoydil ishlashda davom etishi kerak, axir mavsum endi boshlandi-ku! O‘zim ham futbolchi bo‘lganman va seni almashtirishganida qanday his qilishimni bilaman... lekin men Vinidan juda mamnunman," - deya Alonsoning so‘zlarini keltiradi jurnalist Fabrisio Romano.
Yangi mavsumda 25 yoshli Vinisius barcha musobaqalarda 6ta o‘yinda maydonga tushib, 2ta gol urdi va 2ta golga hammualliflik qildi.
