Yaqinda "Aston Villa" klubi o‘zining sport direktori Monchi bilan hamkorlikni to‘xtatishga qaror qilgani ma’lum bo‘ldi. Bu haqda yaqin kunlarda rasman e’lon qilinishi kutilmoqda, biroq ispaniyalik mutaxassisning o‘rnini kim egallashi mumkinligi haqida allaqachon xabarlar chiqqan.
Jurnalist Fabrisio Romanoning xabar berishicha, Monchining o‘rniga asosiy nomzodlardan biri bu yozda "Real Sosyedad" klubini tark etgan sobiq sport direktori Roberto Olabe hisoblanadi. Hozirgi paytda bu masala yuzasidan ichki muzokaralar olib borilmoqda.
Ta’kidlash joizki, Olabe boshqaruvi davrida "Real Sosyedad" o‘ttiz yildan ortiq vaqtdan so‘ng ilk bor yirik sovrinni qo‘lga kiritib, 2021 yilgi Ispaniya kubogida g‘alaba qozongan edi.













