Londonning "Chelsi" klubi hujumchisi Rahim Sterling yozgi transferlar vaqtida Myunxenning "Bavariya" klubi safiga borib qo‘shilishi mumkin edi. Bu haqda The Athletic xabar bermoqda.
Manbaga ko‘ra, o‘tgan yozda "Bavariya" Sterlingni klubga o‘tishga ko‘ndirish uchun so‘nggi bor harakat qilgan, biroq futbolchi bunga rad javobini bergan. Sterlingga yaqin manbalarning ta’kidlashicha, u oilasini Germaniyaga olib ketishni yoki undan uzoq muddatga ajralishni istamagan, ayniqsa, muntazam o‘yin amaliyoti kafolatlanmagan bo‘lsa.
Sterling 2022 yildan beri "Chelsi" sharafini himoya qilmoqda. Bu mavsumda futbolchi biror marta jamoa qaydnomasiga kiritilmagan, chunki u bosh murabbiy Enso Mareskaning rejalariga kirmagan.
