Лондоннинг "Челси" клуби ҳужумчиси Раҳим Стерлинг ёзги трансферлар вақтида Мюнхеннинг "Бавария" клуби сафига бориб қўшилиши мумкин эди. Бу ҳақда The Athletic хабар бермоқда.

Манбага кўра, ўтган ёзда "Бавария" Стерлингни клубга ўтишга кўндириш учун сўнгги бор ҳаракат қилган, бироқ футболчи бунга рад жавобини берган. Стерлингга яқин манбаларнинг таъкидлашича, у оиласини Германияга олиб кетишни ёки ундан узоқ муддатга ажралишни истамаган, айниқса, мунтазам ўйин амалиёти кафолатланмаган бўлса.

Стерлинг 2022 йилдан бери "Челси" шарафини ҳимоя қилмоқда. Бу мавсумда футболчи бирор марта жамоа қайдномасига киритилмаган, чунки у бош мураббий Энцо Маресканинг режаларига кирмаган.