"Barselona" futbolchisi Mark Bernal klub bilan yangi shartnoma imzolaydi. 18 yoshli yarim himoyachining amaldagi kelishuvi 2026 yilgacha mo‘ljallangan, ammo tez orada u uzaytiriladi: Mundo Deportivo xabariga ko‘ra, o‘sib kelayotgan yulduz 29 sentyabr, dushanba kuni yangilangan shartnoma imzolaydi.
Mark Bernal joriy mavsum "ko‘k-anorranglilar"ning bir o‘yinida qatnashib, golli uzatma muallifi bo‘ldi. O‘tgan yilning avgust oyida umidli tayanch yarim himoyachisi xochsimon payidan jarohat olgandi - uning tiklanishi uchun bir yilcha vaqt ketgandi. Mish-mishlarga ko‘ra, yaqinda ispaniyalikni Saudiya Arabistonining "An-Nasr" klubi o‘z safiga qo‘shib olishga uringan.
