"Барселона" футболчиси Марк Берналь клуб билан янги шартнома имзолайди. 18 ёшли ярим ҳимоячининг амалдаги келишуви 2026 йилгача мўлжалланган, аммо  тез орада у узайтирилади: Mundo Deportivo хабарига кўра, ўсиб келаётган юлдуз 29 сентябрь, душанба куни янгиланган шартнома имзолайди.

Марк Берналь жорий мавсум "кўк-анорранглилар"нинг бир ўйинида қатнашиб, голли узатма муаллифи бўлди. Ўтган йилнинг август ойида умидли таянч ярим ҳимоячиси хочсимон пайидан жароҳат олганди - унинг тикланиши учун бир йилча вақт кетганди. Миш-мишларга кўра, яқинда испанияликни Саудия Арабистонининг "Ан-Наср" клуби ўз сафига қўшиб олишга уринган.