40 yoshli Santi Kasorla payshanba kuni La Liga doirasida "Barselona"ga qarshi kechgan bahsda "Real Ovyedo"ning asosiy tarkibida maydonga tushdi.
"Ko‘k-anorranglilar" birinchi bo‘lib gol o‘tkazib yuborishdi, ammo ikkinchi bo‘limda kiritilgan gollar evaziga 3:1 hisobida g‘alaba qozonishdi. Kasorla uchrashuvning 65-daqiqasida zaxiraga olindi. Final hushtagidan so‘ng, faxriy futbolchi Kataloniya grandining yulduz yarim himoyachisi Pedri bilan futbolka almashdi.
"Barselona" safida gollarga Erik Garsiya, Robert Levandovski va Ronald Arauxo mualliflik qildi. Mezbonlar safida Alberto Reyna o‘z hisobiga gol yozdirib qo‘ydi.
Santi Kasorla 21-asrda Ispaniya chempionatida "Barsa"ga qarshi o‘yinda maydonga tushgan eng keksa futbolchiga aylandi.













