Angliyaning "Tottenxem" klubi ushbu jamoani Erik Bruklin boshchiligidagi konsorsiumga sotish taklifini olganini va rad etganini ma’lum qildi. Bu haqda The Sun xabar bermoqda.
Manbaga ko‘ra, amerikalik sobiq DJ, hozirda tadbirkor bo‘lgan Erik "Tottenxem" uchun 5,15 milliard yevro taklif qilishni rejalashtirgan. Lyuislar oilasiga ("shporlar" egalari) yaqin manba buni "keraksiz qiziqish" deb atadi.
"Klub direktorlar kengashi "Tottenxem" sotilmasligini va "ENIC" [majoritar aksiyador - tahr.] klubdagi ulushini sotmoqchi emasligini tasdiqlaydi," - deyiladi bu borada e’lon qilingan rasmiy bayonotda.
