Англиянинг "Тоттенхэм" клуби ушбу жамоани Эрик Бруклин бошчилигидаги консорциумга сотиш таклифини олганини ва рад этганини маълум қилди. Бу ҳақда The Sun хабар бермоқда.
Манбага кўра, америкалик собиқ DJ, ҳозирда тадбиркор бўлган Эрик "Тоттенхэм" учун 5,15 миллиард евро таклиф қилишни режалаштирган. Льюислар оиласига ("шпорлар" эгалари) яқин манба буни "кераксиз қизиқиш" деб атади.
"Клуб директорлар кенгаши "Тоттенхэм" сотилмаслигини ва "ENIC" [мажоритар акциядор - таҳр.] клубдаги улушини сотмоқчи эмаслигини тасдиқлайди," - дейилади бу борада эълон қилинган расмий баёнотда.
