"Bavariya" hujumchisi Xarri Keyn Angliyaga qaytishi mumkinligi haqidagi mish-mishlarga izoh berdi.

"Yo‘q, men hozir Angliya premer-ligasiga qaytish haqida o‘ylamayapman. Men bu yerda chindan ham baxtliman. Shartnomam tugashiga ikki yil qoldi. Har bir lahzadan rohatlanaman. "Bavariya" sovrinlar uchun eng yaxshi joy, albatta," - deya Keynning so‘zlarini keltiradi insayder Fabrisio Romano X ijtimoiy tarmog‘ida.

32 yoshli inglizning "Bavariya" bilan amaldagi shartnomasi 2027 yilga qadar imzolangan. U 2023 yildan beri Myunxen klubida o‘ynamoqda. Barcha musobaqalarda 104 ta o‘yinda u 100 ta gol urdi va 29 ta golli uzatmani amalga oshirdi.