"Бавария" ҳужумчиси Харри Кейн Англияга қайтиши мумкинлиги ҳақидаги миш-мишларга изоҳ берди.
"Йўқ, мен ҳозир Англия премер-лигасига қайтиш ҳақида ўйламаяпман. Мен бу ерда чиндан ҳам бахтлиман. Шартномам тугашига икки йил қолди. Ҳар бир лаҳзадан роҳатланаман. "Бавария" совринлар учун энг яхши жой, албатта," - дея Кейннинг сўзларини келтиради инсайдер Фабрицио Романо Х ижтимоий тармоғида.
32 ёшли инглизнинг "Бавария" билан амалдаги шартномаси 2027 йилга қадар имзоланган. У 2023 йилдан бери Мюнхен клубида ўйнамоқда. Барча мусобақаларда 104 та ўйинда у 100 та гол урди ва 29 та голли узатмани амалга оширди.
