"An-Nasr"ning yangi a’zosi Inigo Martines Saudiya Arabistonida ko‘rmoqchi bo‘lgan yulduz futbolchisini aytdi.
34 yoshli ispaniyalik sobiq jamoadoshi "Barselona"dan Pedrini Saudiya chempionatiga chaqirgan bo‘lishini tan oldi, deb xabar beradi Barca Universal. Eslatib o‘tamiz, Martinesning o‘zi avgust oyida "An-Nasr"dan foydali taklif olganida "ko‘k-anorranglilar" safini erkin agent sifatida tark etgandi.
Pedri yaqin yillarda hamyurti ortidan ketmasa kerak: yanvar oyida 22 yoshli xavbek "Barselona" bilan 2030 yilgacha mo‘ljallangan yangi shartnoma imzolagandi. Transfermarkt portali talqiniga ko‘ra, futbolchining narxi 140 mln yevroni tashkil etadi.
