"Ан-Наср"нинг янги аъзоси Иньиго Мартинес Саудия Арабистонида кўрмоқчи бўлган юлдуз футболчисини айтди.
34 ёшли испаниялик собиқ жамоадоши "Барселона"дан Педрини Саудия чемпионатига чақирган бўлишини тан олди, деб хабар беради Barca Universal. Эслатиб ўтамиз, Мартинеснинг ўзи август ойида "Ан-Наср"дан фойдали таклиф олганида "кўк-анорранглилар" сафини эркин агент сифатида тарк этганди.
Педри яқин йилларда ҳамюрти ортидан кетмаса керак: январь ойида 22 ёшли хавбек "Барселона" билан 2030 йилгача мўлжалланган янги шартнома имзолаганди. Transfermarkt портали талқинига кўра, футболчининг нархи 140 млн еврони ташкил этади.
