"Manchester Siti" yarim himoyachisi Tidjani Reynders "Milan"dan ketishi haqida gapirdi. 27 yoshli futbolchi yozgi transferlar vaqtida Italiyani APLga almashtirdi.
"Milan"ni tark etish men uchun juda og‘ir bo‘ldi. U yerda hamma bilan yaxshi munosabatda edim. Muxlislar, jamoadoshlarim, xodimlar... bularning barchasi mening ketishimni hissiy jihatdan murakkablashtirdi. Ammo "Manchester Siti" eshigimni taqillatganida, faoliyatim rivoji nuqtai nazaridan bu men uchun eng yaxshi qaror ekanini tushundim," - deya Reyndersning so‘zlarini keltiradi Sport Witness.
Reynders 2023-2025 yillar davomida "Milan" sharafini himoya qilgan. U o‘tgan davr mobaynida 104 ta o‘yinda maydonga tushib, 19 ta gol urdi va 9 ta golli uzatmani o‘z hisobiga yozdirib qo‘ydi.
